Kaѕtro Zizo thumbon kolegët: Janë rritur me gjizë e hudhra dhe bëjnë si këngëtarë ndërkombëtarë

Kastro Zizo, i ftuar në emisionin”Aldo Morning Show” në Tv Klan nuk ka kursyer thumbat për kolegët e tij. Artisti po sqaronte se prej 3 vitesh ka hequr dorë nga abuzimi me alkoolin e si pasojë, është tërhequr edhe nga skena. Megjithatë, ky argument duket se nuk e bindi gazetaren në studio.

Megi Latifi i kërkon të vërtetën mbi arsyen pse nuk ka qenë i pranishëm në koncerte gjatë verës, si të tjerët. Kastro tha se “artistët tanë të mëdhenj për ca lekë këndojnë edhe në oborrin tënd nëse ti i plotëson ato kushtet.” Sipas tij, ata janë rritur me gjizë e hudhra dhe e shesin veten si diva.

Pjesë nga biseda:

Megi Latifi: Si është e vërteta e koncerteve?

Kastro Zizo: E vërteta e koncerteve është se kam refuzuar koncertet dhe e vërteta e koncerteve është se nuk janë koncerte. Besomëni që edhe artistët tanë të mëdhenj për ca lekë këndojnë edhe në oborrin tënd nëse ti i plotëson ato kushtet.

Aldo: Një sekondë tani. Edhe Christina Aguilera ka qenë në dasmë në Rusi.

Kastro Zizo: Po ka qenë se i ka dhënë petullat ai, i ka dhënë lekët ai njeriu dhe ka kënduar. Është një gjë që Christina e ka pranuar, di dhe është një industri tjetër dhe është një gjë tjetër që X artistë këtu të rritur me gjizë e hudhra ta shesin personalitetin e vet si diva apo divër internacionalë.

Aldo: Problemi është te gjiza dhe hudhra, se gjizë dhe hudhra ka ngrënë edhe Michael Jackson?

Kastro Zizo: Pak kohë ka ngrënë ai gjizë e hudhra. /abcnews.al